Маңғыстаулық дзюдошы Shymkent Open Cup турнирінде күміс жүлдені иеленді
[ 2019 ] 18 қараша, 11:14 | Жаңалықтар
Shymkent Open Cup халықаралық дзюдо турнирінде маңғыстаулық Азамат Күмісбаев күміс жүлде иеленді, - деп хабарлайды mangystaumedia.kz сайты.
17-18 қараша күндері Шымкент қаласында өткен турнирде маңғыстаулық дзюдошы татамиде 73 келі салмақта сынға түсті. МО дзюдо федерациясының мәліметінше, ол финалға дейін 5 кездесу өткізіп, соңғы белдесуде өзбекстандық спортшыға есе жіберген.
Халықаралық турнирге алыс-жақын шетелден және Республика көлемінен жалпы 250 спортшы қатысқан. Ал Маңғыстау құрамасы сапында 14 дзюдошы бақ сынады.
- Командаға дзюдодан Маңғыстау жастар құрамасының аға жаттықтырушысы Қайрат Бұрбасов жетекшілік етті. Маңғыстау облысының спорт басқармасы мен Асылбек Жолдыбаев басқарған МО дзюдо федерациясына алғыс білдіреміз, - деді МО дзюдо федерациясынан.
Махаббат НҰРЖАНҚЫЗЫ
Суреттер МО дзюдо федерациясынан
1222
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
