Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облыстық жұмыспен қамтуды үйлестіру және әлеуметтік бағдарламалар басқармасы тамыз айында «Нәтижелі жұмыспен қамту және жаппай кәсіпкерлікті дамыту» бағдарламасы аясында мамандар даярлауды қолға алған болатын. Жұмыссыздар тізіміне тұрған тұрғындар мен әлеуметтік сала қызметкерлері бір ай уақыттың ішінде «Training academy» оқыту орталығынан дәріс алып, білімдерін жетілдірді.
Өткен сейсенбі күні облыс әкімінің орынбасары Шолпан Илмұханбетова Ақтау қаласы және Мұнайлы, Түпқараған аудандарынан оқыған 50 маманды құттықтап, сертификат табыстады. Мемлекеттің әлеуметтік тапсырысы аясында жүзеге асқан жобаның жемісін көрген мамандар нәтижелі жұмыс жүргізетініне сенімділік білдірді.
– Қазіргі таңда әлеуметтік қызметкерлердің қызметі қоғамда сұранысқа ие болып отыр. Даярлықтан өткен мамандар кез келген нысаналы топтармен жұмыс жасауды, оларға жан-жақты көмек көрсетуді, қолдауды үйреніп, әлеуметтік саланың қыр-сырын меңгерді. Тегін оқу кезінде шетелде оқыған магистр дәрежесіндегі, біліктілігі жоғары мамандар, әлеуметтік бизнесте танымал кәсіпкерлер дәріс оқыды. Жоба қатысушылары тәжірибе мен теорияны қатар меңгеріп, түрлі жаттығуылар мен сынақтардан өтті. Мамандар келешекте біздің басқарманың жұмысын атқарумен қатар өзінің әлеуметтік жобаларын да жүзеге асыра алады, – деді облыстық жұмыспен қамтуды үйлестіру және әлеуметтік бағдарламалар басқармасының басшысы Гүлмира Қалмұратова. Оның айтуынша бұл жоба басқа да аудандарды қамтып, жылдың аяғына дейін жалғасын табады.
Тағы оқыңыздар: Расул АБДУЛЛАЕВ: Ақтаулықтар тік мінезді екен–Мен қалалық жұмыспен қамту және әлеуметтік бағдарламалар бөлімінде жұмыссыздар есебіне тіркелер уақытта мамандар маған осы оқуды ұсынды. Алған білімім орташа, байланыс мамандығы болатын. Мамандығыма сай жұмыс табылмады. Қайта оқуға бекініп, еңбек нарығында сұранысқа ие әлеуметтік саланы таңдап, кеңесші мамандығын меңгердім. Алдағы уақытта осы саладағы әртүрлі әлеуметтік жобалардың жүзеге асуына атсалысамын, – деді Тұрсынай Жұмабай.
Фарида МҰҢАЛҚЫЗЫ Суреттерді түсірген Талант ҚҰСАЙЫН
[gallery td_select_gallery_slide="slide" ids="36274,36275,36276,36277,36278,36279,36280,36282"]
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.