Панкратионнан өткен ел кубогында Маңғыстау командасы І орын алды

17-19 қыркүйек аралығында Орал қаласында панкратионнан өткен ҚР кубогында Маңғыстау облысының командасы І орын иеленді, деп хабарлайды mangystaumedia.kz.

Жарыс қорытындысы бойынша, Маңғыстау облысы үш кубокқа ие болып, жеңімпаз атанды, екінші және үшінші орынды Батыс және Шығыс Қазақстан облыстары иеленді.

Командалық есепте І орынды ересектер мен 2006-2007 жылғы спортшылар алды. Өңір командасы дүбірлі додадан 6 алтын, 9 күміс, 14 қола жүлдені қанжығаға байлап қайтты.

Айта кетейік, жарыс кадеттер, жасөспірімдер, жастар мен ересектер арасында өтті. Додада 300-ден аса спортшы бақ сынады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.