Ақтауда Олимпиада күні аталып өтті

Халықаралық Олимпиада күні аясында белгілі спортшылар Айбек Имашев пен Әділбек Ниязымбетов Каспий теңізінің жағасында жас спортшыларға шеберлік сабағын өткізді.

Дзюдодан әлемдік Гран-при кезеңінің күміс жүлдегері, Еуропа кубогының жеңімпазы Айбек Имашев пен Олимпиада ойындарының күміс жүлдегері Әділбек Ниязымбетов тәжірибесімен бөлісіп, дзюдо мен бокс бойынша әдіс-тәсілдерін көрсетті.

Бүгін Ақтауда теңіз жағалауында Олимпиада күнін атап өтіп жатырмыз. Мерекеге орай жас спортшыларға шеберлік сағатын өткізуді шешкен едік. Осы жас спортшылардың арасынан болашақ Олимпиада чемпионы шығады деген үміттеміз, - деді дзюдодан ҚР жастар құрамасының аға бапкері Айбек Имашев.

Маңғыстау облыстық спорт басқармасының басшысы Қанат Жұмабаев спортшыларды Олимпиада күнімен құттықтап, шеберлік сағатына қатысқандарға алғыс хатын табыстады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.