Бұл туралы бүгін аймақ басшысы Серікбай Трұмов осы жылы атқарылуы тиіс облыс экономикасының негізгі секторларын дамытуға арналған жиын барысында айтты.
Мамандардың жоспарына сәйкес, биыл көтерме және бөлшек сауда көлемі 126 млрд. теңгеден асуы мүмкін. Бұл кәсіпкерлік саласы бойынша жаңа нысандарды іске қосу және қолданыстағы өндірістік күшті іске қосу арқылы жүзеге асатын болады. Мемлекеттік органдар жергілікті тауар өндірушілердің өнімдерін сатуға және жаңа маркетингтік құралдарды қолдануға барынша жәрдемдеседі.
Жұмыс істеп тұрған компанияларға, кәсіпкерлерге мобильді сауда павильондарын орнату үшін жер учаскелерін алуға жәрдемдесу жоспарланып отыр. Сонда өндірілген тауар тұрғындар үшін одан да қол жетімді болады.
Өңір басшысы кәсіпкерлік және сауда басқармасына тек ірі жобаларға назар аудармай, жаңадан кәсібін бастаған кәсіпкерлерге де қолдау көрсетуді тапсырды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
