Ақтау мен Жаңаөзен қаласы бойынша «Таза сайлау» бақылаушылар ұйымының жетекшісі Айсұлу Дутбаева Маңғыстау облысы сайлау комиссиясының төрағасы Асқар Рзахановпен кездесті.
Айсұлу Дутбаева Маңғыстау облысы сайлау комиссиясының төрағасын «Таза сайлау» бақылаушылар ұйымының ресми құжаттарымен таныстырып, ұйымның заң талаптарына сай жұмыс істейтінін айтып өтті. Сонымен қатар, А. Дутбаева «Таза сайлау» бақылаушылар ұйымының мүшелері карантин талаптарына сәйкес ПТР тест тапсырып, барлық санитарлық талаптарға сай екенін де атап өтті.
Өз кезегінде Асқар Рзаханов ашық және адал сайлау өткізу - ОСК-ның басты міндеті және мақсаты екенін атап өтті. ОСК мен «Таза сайлау» бақылаушылар ұйымы сайлау нәтижелерін ресми түрде жариялайды.
Айта кетейік, 10 қаңтар күні өтетін Мәжіліс депутаттарының кезекті сайлауының әділ өтуіне үлес қосу үшін қоғам белсенділері мен журналистер «Таза сайлау» азаматтық бақылау ұйымын құрған болатын. Ұйымның құрамында белгілі қоғам қайраткері Б. Ғабдуллин, саясаткер Э.Полетаев, белгілі журналист, блогерлер М.Садық, Ж.Ахметова, Ерқанат Көпжасарұлы сынды белсенділер бар.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
