Халық қалаулысы Құрыққа келді

Қазақстан Республикасы Парламенті Мәжілісінің депутаты Смағұл Бақытбек бастап келген жұмыс тобы «Nur Otan» партиясының Маңғыстау облыстық филиалы төрағасының орынбасары Звира Есбергенова, ардагер журналист Маңдайлы Қосымбай, облыстық сайлауалды штаб мүшесі Марат Себасов Құрық ауылының тұрғындарымен кездесіп, сұрақтарға жауап берді. Бүгінде жұртқа "Парламенттің ақыны, Ауған соғысының батыры" ретінде танымал болған халық қалаулысы Бақытбек Смағұл тұрғындармен емен-жарқын сөйлесіп, елдің жағдайымен танысты. Есті ағалардың пікірін тыңдап, жалынды жастарға өзінің отты өлеңдерімен шабыт берді.

Тұрғындар атынан сөйлеген ауыл ардагерлері Ержан Бегниязов, Күреңтай Ізбергенов ағалық ақ батасын берсе, жас маман Жомарт Оразов ауылдың алты ауызын Бекет атаға арнауымен жеткізді.

Кездесуді Звира Түгелқызы жүргізіп, пікір, ұсынысқа да кезек беріп отырды.

Шынар КЕНДІН

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.