Бұл туралы Маңғыстау облысы денсаулық сақтау басқармасының баспасөз қызметі хабарлады.
Бүгін 10 науқас үйлеріне жіберілді. Оның үшеуі Қарақия ауданының тұрғындары болса, Бейнеу және Түпқараған ауданынан екі адамнан, Мұнайлы ауданынан бір тұрғын және тағы біреуі Ақтау қаласының тұрғыны. Олардың екеуі әйел болса, сегізі ер азаматтар.
Айта кету керек, коронавирус індетінен емделіп шыққандардың ең жасы үлкені 72 жастағы Қарақия ауданы Сенек ауылының тұрғыны болса, ең жасы 20 жастағы студент. Ол Ақтау қаласының тұрғыны және РФ Астрахань қаласында білім алады.
Провизорлық стационарларда барлық тиісті ем-дом шаралары жоғары деңгейде ұйымдастырылған. Емделіп шыққан тұрғындар ендігі жерде үй карантинін сақтауы тиіс.
Айта кетейік, Түпқараған ауданынан емделіп шыққан екі науқас "Теңіз Шевройл" мекемесінен келген қызметкерлер. Тұрғылықты жері Түпқараған ауданы. Алайда олар Атыраудан келген бойда бірден Ақтаудағы обсервацияға жатқызылған. Сол жерден емделіп шықты. Ал, Түпқараған ауданында әзірге коронавирус індетін жұқтырған адам тіркелген жоқ.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
