Маңғыстау облысының әкімі тағайындалды

Бүгін, 17 мамырда Нұрдәулет Қилыбай Маңғыстау облысының әкімі болып тағайындалды, деп хабарлайды mangystaumedia.kz.

«Мемлекет басшысының Жарлығымен Нұрдәулет Игілікұлы Қилыбай Маңғыстау облысының әкімі лауазымына тағайындалды», деп жазылған Ақорданың таратқан ақпаратында.

Маңғыстау облыстық мәслихат депутаттары Маңғыстау облысының әкімі ретінде Нұрдәулет Қилыбайдың кандидатурасын мақұлдады.

Нұрдәулет Қилыбай 1978 жылы Маңғыстау облысы Бейнеу ауданында дүниеге келген. Білімі жоғары. «Тасымалдауды ұйымдастыру жөніндегі инженер», «Қаржы және қаржы құқығы» маманы. 2018 жылы АҚШ-тың Бостон қаласында Stafford House халықаралық мектебінде білім алған.

Ол әртүрлі жылдары Көлік және коммуникациялар министрлігі Көлік және қатынас жолдары комитетінің бөлім бастығы, басқарма бастығы, төрағаның орынбасары қызметін атқарған. «ҚТЖ» ҰК» АҚ президентінің кеңесшісі, кейін осы акционерлік қоғамның Маңғыстау жолдары бөлімшесі филиалының директоры болды.

Сонымен қатар, Маңғыстау облысы әкімінің орынбасары, Ақтау қаласының әкімі қызметтерін атқарған. Ал 2023 жылдан бастап «Өзенмұнайгаз» АҚ бас директоры болып қызмет атқарды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.