Маңғыстау облысының Қарақия ауданы Полиция бөліміне жаңа басшы тағайындалды, деп хабарлайды mangystaumedia.kz.
Облыстық Полиция департаменті бастығының бұйрығымен ҚР ІІМ-нің келісіміне сәйкес Аманбек Шалбаев Қарақия ауданы Полиция бөлімі басшысы лауазымына тағайындалды.
Полиция майоры Аманбек Ысқақұлы 1981 жылы Маңғыстау облысы, Бейнеу ауданында дүниеге келген. 2000 жылы ҚР ішкі істер министрлігінің Шымкенттегі заң колледжін бітірген.
Ішкі істер органдарында 1998 жылдың қыркүйек айынан бері қызмет етіп келеді. Еңбек жолын учаскелік полиция инспекторы қызметінен бастаған Аманбек Шалбаев жедел қызмет саласында да жұмыс істеді. 2020 жылдың 19 наурызында Бейнеу ауданы Полиция бөлімі бастығының бірінші орынбасары лауазымына тағайындалып, бүгінгі күнге дейін сол лауазымда қызмет атқарды.