Түпқараған ауданының жер қатынастары және құрылыс саласына жаңа басшы тағайындалды

Түпқараған аудандық жер қатынастары, сәулет және қала құрылысы бөлімінің басшылығына Ержан Сейд-Ахмедұлы Акмамбетов тағайындалды. Бұл туралы mangystaumedia.kz сайтына Түпқараған ауданы әкімдігінің баспасөз қызметі хабарлады. Ержан Акмамбетов 1985 жылдың 25 ақпанында дүниеге келген. Білімі жоғары. 2007 жылы М.Тынышпаев атындағы Қазақ көлік және коммуникациялар академиясын аяқтаған. 2018 жылы Қазақстан инновациялық және телекоммуникациялық Университетін бітірген. Еңбек жолын 2007 жылы Мұнайлы аудандық сәулет және қала құрылысы бөлімінің жетекші қызметінен бастап, аталған бөлімнің сектор меңгерушісі лауазымына дейін қызмет атқарды. 2011-2015 жылдары Ақтау қалалық сәулет және қала құрылысы бөлімінің бас маманы. 2016-2018 жылдары Маңғыстау облысы кәсіпкерер палатасының кәсіпкерлердің құқықтарын қорғау және әкімшілік кедергілерді төмендету бөлімінің 1-ші дәрежелі сарапшысы болып жұмыс жасады.