Мұнай – байлық емес, жай ғана шикізат, нағыз байлық – адам

©

Бүгін «Caspian Youth Forum» халықаралық жастар форумының пленарлық отырысында  Маңғыстау облысының әкімі Ералы Тоғжанов  дәл осылай деді.

– Мұнай – халықтың байлығы емес, жай ғана шикізат, нағыз байлық – біздің жеріміз бен халқымыз. Бар мұнайдың түбінде таусылатыны елге белгілі. Ол 10-15 жылдан соң аяқтала ма, әлде 50-100 жыл керек пе? Анығын біз білмейміз. Бір білетінім, мұнаймен шектелсек, қатты қателесеміз. Қызмет көрсету аясындағы жұмыстарға аса назар аудару керек, - деді облыс әкімі.

– Таяуда маған бір журналист Сиқырлы таяғыңыз болса, Маңғыстауда нені өзгертер едіңіз деп сұрақ қойды. Мен облыстағы орта және шағын бизнесті 80%-ға көтерер едім деп ойлаймын. Өйткені, халықтың тұрмысын, әл-ауқатын жақсарту – алғашқы мақсатымның бірі. Ұлыбританияда халықтың ішкі тауар айналымының өнімі 80%, 9%-ы ғана өндірістен тұрады  екен. Ал бізде 60% өндіріс саласынан тұрып отыр. 

Тағы оқыңыздар: Дамыған елдердің кішігірім елдерден үйренері көп

Айта кетейік, Маңғыстау өңірінің потенциалы өте жоғары. 5 мемлекетпен шектесіп жатқан Қазақстандағы жалғыз облыс. «Өңірдегі әрбір саланың мүмкіндігінің тетігін табатын болсақ, Маңғыстау елінің хал-ахуалын көтеруге болар еді. Жастардың санасы биік болса, жаһандану дәуірінде болып жатқан әр түрлі қауіп-қатерден сақтана аламыз», - деген пікірін айтты облыс әкімі.

Айгүл ДӘДЕН

Суреттерді түсірген Талант ҚҰСАЙЫН

[gallery td_select_gallery_slide="slide" ids="36669,36671,36670"]