Дзюдо: Мароккодағы гран-при турнирі өтпейтін болды

Дзюдодан Рабатта (Марокко) жоспарланған әлемдік Гран-при кезеңі өткізілмейтін болды. Бұл туралы халықаралық дзюдо федерациясы ресми сайтында мәлімдеді, - деп хабарлайды mangystaumedia.kz сайты.

Халықаралық дзюдо федерациясының күнтізбесіне сәйкес рейтингілік турнир 6-8 наурыз күндерге жоспарланған еді. Марокко үкіметі коронавирус эпидемиясының таралуының алдын алу мақсатында елде болатын барлық қоғамдық іс-шаралар мен спорттық шараларды уақытша тоқтатты.

Айта кетейік, аталған додаға қатысу үшін әлемнің 94 елінен 561 дзюдошы тіркелген болатын. Ал ел атынан 15 дзюдошы қатыспақшы болған.

Жұлдызай ҚАЛИЕВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.