Әкімшілік құқық бұзушылық туралы кодекстегі жаңа өзгерістер

11 шілдеде Елбасы «Қазақстан Республкасының кейбір заңнамалық актілеріне оларды Қазақстан Республикасы Конституциясының нормаларына сәйкес келтіру мәселелері бойынша өзгерістер мен толықтырулар енгізу туралы» Заңына қол қойды.

Заңнамаға көптеген өзгерістер енгізілген. Бұл өзгерістер Әкімшілік құқық бұзушылық туралы Қазақстан Республкасының Кодексіне де қатысты.Басты жаңалықтардың бірі әкімшілік істер бойынша заңды күшіне енген сот актілерінің Жоғарғы Сотта қаралу тәртібі өзгерді. Енді соттың қаулылары Жоғарғы Соттың Төрағасы мен Жоғарғы Соттың мамандандырылған сот алқасының төрағасының бастамасымен қайта қаралуы мүмкін.

Бұл үшін әкімшілік жауаптылыққа тартылған тұлға, жәбірленуші, олардың заңды өкілдері, қорғаушылардың өкілдері Жоғарғы Сотқа ұсыныс енгізу туралы өтінішхат беруге құқылы.Мұндай құқық орталық мемлекеттік органдарға да берілген.

Ұсынуды енгізу туралы өтініш-хат Әкімшілік кодекстің 848-бабында көзделген тараптарға сәйкес болуы тиіс.

Бұл ретте процеске қатысушылар міндетті түрде өтініш-хаттарда мыналарды көрсетуі қажет:

• Қабылданған қаулыны орындау адамдардың өмірі, денсаулығы үшін не Қазақстан Республкасының экономикасы мен қауіпсіздігі үшін орны толмас ауыр зардаптарға алып келуі мүмкін болатынын;
• Қаулы адамдардың белгісіз тобының құқықтары мен заңды мүдделеріне немесе өзге де жария мүдделерді бұзатынын.
• Қаулы құқық нормаларын түсіндіруі мен қолдануында бірізділікті бұзатынын.

Мұндай тараптар кассациялық наразылық келтіру туралы прокуратура органдарына берілетін өтінішхаттарда да көрсетілеуі тиіс.

Аталған негіздер Әкішілік кодекстің 851-бабының 5-бөлігіне сәйкес Жоғарғы Соттың заңды күшіне енген сот актілерін қайта қарау үшін ерекше жағдайлар болып табылады.

Заңның тараптары 2017 жылғы 25 шілдеден бастап қолданысқа енгізіледі.

Толесбаева Сарсенкуль,

Маңғыстау облысының кәмелетке толмағандардың істері жөніндегі мамандандырылған ауданаралық сотының жетекші маманы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.