МӘМС: Тегін емделіңіз

Жасыратыны жоқ, COVID–19 вирусы әлемді жайлағалы тұрғындар денсаулық мәселесіне ерекше назар аударатын болғандықтан жұртшылықты толғандыратын сауалдар да аз емес. Осы орайда тұрғындар жиі қоятын сұрақтардың кейбіріне
«Әлеуметтік медициналық сақтандыру қоры» Маңғыстау филиалы ақпараттандыру бөлімінің бас сарапшысы Сәуле Байболатқызы НАУШИНА төмендегідей жауап берді.

- Бүгінде аса қауіпті болып тұрған ко­ронавирус инфекциясынан ем дел геннен кейін оңалтудан өту үшін не істеу керек?

- Ең алдымен, өзіңіздің емдеуші дәрі­геріңізге хабарласыңыз. Емханадағы дәрігер оңалту дәрігерінің немесе муль­тидисциплинарлық топтың кеңесіне жол­дама береді. Олар жағдайды бағалайды және қалпына келтіру шараларының қажетті курсын тағайындайды. Курстар тыныс алуды қалыпқа келтіруге, асқы­нуларды азайтуға, өмір сүру сапасын арттыруға және мазасыздық пен депрес­сия белгілерін жеңілдетуге бағытталған. Көрсетілімдер болған кезде оңалтудан үйде емделген және медициналық ұйым­дарға жүгінбеген азаматтар да өте алады. Олар үшін әрекеттер алгоритмі бірдей. Ай ­та кету керек, медициналық оңалту функционалдық бұзылу дәрежесіне байла ныс ты стационарлық және амбулаторлық жағдайда да жүргізілуі мүмкін.

- Тісі ауырған жүкті әйелдер міндетті әлеуметтік медициналық сақтандыру (МӘМС) жүйесі бойынша емделуден өтуге бола ма, егер солай болса, оны қалай жасауға болады?

- Иә. Стоматологиялық көмек алу үшін МӘМС бойынша қызмет көрсететін сто­матологиялық клиникаға жүгіну қажет. Олардың тізімін әлеуметтік медициналық сақтандыру қорының сайтынан табуға бо­лады. Бұл ретте емханадан жолдаманың болуы міндетті емес. Жүкті әйелдермен қатар шұғыл көмек – тіс жұлу және хи­миялық пломба орнату 18 жасқа дейінгі балаларға, Отан соғысына қатысушыларға, 1,2,3­топтағы мүгедектерге, «Алтын алқа», «Күміс алқа» алқаларымен марапаттал ған көп балалы аналарға, атаулы әлеуметтік көмек алушыларға, жасына байланыс­ты зейнеткерлерге көрсетіледі. Жоспарлы көмек жүкті әйелдерден басқа балалар ға да қолжетімді. Бұлар – жансыздандыру, пломба салу, терапиялық қабыл дау, пульпитті емдеу, периодонтитті емдеу, толық функционалдық қалпына келтіру анатомиялық нысанын тіс кезінде гипоплазиясы, флюорозе.

- Балаларға арналған тегін дәрі­ дәрмектердің тізімін қайдан табуға бо­лады?

- Бұл Қазақстан Республикасы Денсау­лық сақтау министрінің 2017 жылғы 29 та­мыздағы №666 бұйрығымен бекі тіл ген те гін медициналық көмектің кепілдік берілген көлемі және МӘМС бойынша тегін қол­жетімді дәрілік заттар мен медициналық бұ­йымдардың тізбесінде. Оны «Әділет» ақ па­раттық­құқықтық жү йесінен табуға болады.

Валентина ҚОЗЫБАҚОВА

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.