©
«2018 жылғы 16 шілдеден бастап банктердің ипотекалық қарыз бойынша банк шотын жүргізгені үшін комиссия алғанына тыйым салу енгізілді», - деп хабарлады ҚР Ұлттық банкі өзінің ресми сайтында.
Бұл комиссиялар тізбесін оңтайландыру және қарыз алу және оған қызмет көрсету кезінде қарыз алушылардың шығыстарын қысқарту мақсатында жасалған.
Ұлттық Банктің бастамасымен 2018 жылғы 16 шілдеден бастап банктердің ипотекалық қарыз беруге және оған қызмет көрсетуге байланысты банк шотын жүргізгені үшін комиссия белгілеуіне тыйым салынып отыр.
«Кәсіпкерлік қызметпен байланысты емес барлық жеке тұлғаларға қатысты қарыз беруге және оған қызмет көрсетуге байланысты банк шотын жүргізгені үшін, сондай-ақ банк шотына қарызды есепке алу үшін комиссияларды жою туралы норма Мәжіліс қарауындағы Заң жобасында қамтылған», - деп атап көрсетті Ұлттық банк.
Заң жобасы «Қазақстан Республикасының кейбір заңнамалық актілеріне меншік құқығын қорғауды күшейту және төрелік мәселелері бойынша өзгерістер мен толықтырулар енгізу туралы» деп аталады.
Ұлттық Банк 2016 жылғы 30 мамырда жылдық тиімді сыйақы мөлшерлемесін есептеу кезінде ескерілетін, жеке тұлғаға берілген банктік қарыз және микрокредит беруге және оларға қызмет көрсетуге байланысты комиссиялар мен өзге де төлемдердің тізбесін бекіткен болатын.
Комиссиялардың тізбесі 2016 жылғы 1 шілдеден бастап жасалған банктік қарыз шарттарына қолданылған.
Бұл ретте, Банктер туралы заңның 39-бабына сәйкес, банктер 2016 жылғы 1 шілдеге дейін жеке тұлғалармен жасалған банктік қарыз шарттары бойынша шартта көрсетілген және Операциялар жүргізудің жалпы талаптары туралы қағидаларда белгіленген комиссияларды алуға құқылы.
Камшат ОҢҒАЛТАЙ,
Сурет сайттың архивінен
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
