Тұрғындардың демалуына қолайлы жағдай жасау мақсатында Қарақия ауданының орталығындағы теңіз жағалауын абаттандыру жоспарланып отыр. Осы жұмыстарды жүзеге асыру мақсатында "Құрық ауылы әкімі аппараты" мекемесі мердігер мекемені анықтау үшін электронды конкурс жариялады. Бұл туралы Құрық ауылының әкімі Ғабит Салихов мәлім етті.
Оның айтуынша, конкурс қорытындысы бойынша жеңімпаз мердігер мекеме анықталысымен 3 ай мерзімге келісім-шарт жасақталып, абаттандыру бойынша тиісті жұмыстар жүргізілетін болады.
-Эскиздік жобаға сәйкес жағалауда көлік тұрағы, жағажай кабиналары, ыстық тағамдар мен кәуап әзірлеуге арналған орындар жасақталып, жарықтандыру жұмыстары жүргізіліп, орындықтар орнатылады. Сондай-ақ тұрмыстық қатты қалдықтарға арналған урналарды орнату және басқа да көптеген жұмыстар жүргізіледі, - деді Ғабит Салихов.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
