Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау ауданының Сай-Өтес ауылында сүйектен түрлі бұйым жасайтын жас шебер тұрады. Өтес орта мектебінің 3-сынып оқушысы Ғалым Есенбай бұл өнерді былтыр меңгеріп бастаған.
- Кішкентайымнан малдың сүйектерін пайдаға жаратып әр түрлі ұлттық жәдігерлер жасауға әуестендім. Алдымен сүйек қалдықтарын сұрыптап алып, түрлі түске түрлендірдім. Қиялымдағы бейнелерді, көркем етіп үйлестіріп қоса бастадым. Бастапқыда бала қиялыма ерік беріп, асықтарды түрлі түске бояп кілтке салпыншақ жасап бастадым. Үйге іліп қоюға арналған тұмар жасадым. Қазіргі күні сүйектен қабырғаға іліп қоятын әдемі бұйымдар мен қонаққа беретін кәдесыйлар жасаймын. Асықтар жиынтығынан балаларға математика пәнінен пайдаланатын есепшот жасадым. Алдағы уақытта ұйымдастырып жатқан жұмыстарымыз көп. Бұл жоба әр түрлі бұйымдар жасаумен бірге, өзіммен қатар өсіп келе жатқан балаларға сүйектің асықтың түрлерін біліп, ажырата білуге көмегі көп,- деді Ғалым Есенбай.
Жан-жақты қырымен танылып, ел сүйсініп риза болатындай кәсіп түрімен айналысып жүрген 9 жастағы Ғалым Есенбай тіпті мектепте өз қолөнер бұйымдарының жәрмеңкесін жасап, көпшілікті сүйсінтті.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.