Yessenov University: «Түрік тілі» кабинеті салтанатты түрде ашылды

Бүгін Yessenov University-нің базасында «Түрік тілі» кабинетінің салтанатты ашылу рәсімі өтті, деп хабарлайды mangystaumedia.kz.

Аталмыш салтанатты шараға Ақтау қаласының әкімі Ұлықбек Тналиев, Орта Азия және Кавказ департаментінің басшысы Али Өзгүн Өзтүрк, Ақтау қаласындағы Түркия Республикасының бас консулы Сабри Алптекин, ТИКА-ның Қазақстандағы өкілі Хикмет Өзденоглы және Yessenov University Президенті Берік Ахметов арнайы қатысты.

Шараның басты негізі мақсаты - түркі елдері мен қауымдастықтары арасындағы экономикалық, сауда-техникалық, әлеуметтік, мәдени және білім саласындағы ынтымақтастықты одан әрі дамытуды негізге ала отырып, Түркия Республикасының мәдениеті мен тарихын, тілі мен әдебиетін университеттің білім алушыларына таныстыру.

Салтанатты рәсімнің ашылуында Yessenov University-нің Президенті Берік Ахметов сөз алды.

- Бұл тарихи кабинеттің ашылуы біз үшін және біздің білім алушы шәкірттеріміз яки студенттеріміз үшін болашақта да берері мол болмақ. Қазірдің өзінде универсиетіміздің көптеген білім алушы студенттері Түркия елінің бірқатар ЖОО-да қысқа уақытта білімдерін шыңдауда.

Қазақ елі қашан да Түркі бауырларына деген ыстық махаббатты мен туыстық бауырластық қарым-қатынасы әрқашан да арта бермек. Таяуда ғана Алматы қаласында Түркі затының асыл перзенті болған көшбасшы тұлға Ататүрік Кемал пашаның алып ескерткішінің ашылуы екі ел арасындағы достықтың үлкен символы деп білеміз! Бұл да тарихтың бір бөлшегі деуге толық негіз бар, - деді.

Одан кейін ресми сөз алған Орта Азия және Кавказ департаментінің басшысы Али Өзгүн Өзтүрк, Ақтау қаласындағы Түркия Республикасының бас консулы Сабри Алптекин мырзаларда өз кезектерінде екі ел арасындағы достық қарым-қатынасы төңірегінде, ашылып жатырған «Түрік тілі» кабинетінің болашақтағы қызметі хақында жақсы ойларымен бөлісіп, білім ордасы ұжымына ризашылықтарын білдірді.

Салтанатты шарадан соң Түрік ынтымақтастық және үйлестіру агенттігі мен Yessenov University-нің меморандумға қол қою рәсімі өтті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.