Теңізге экскаватормен кірген жүргізушінің үстінен іс қозғалды

Желіде Каспий теңізінде экскаватормен кірген жүргізушінің видеосы тарады. Экскаватордың көмегі арқылы серфингпен айналысқан азаматтың жеке басы анықталды, деп хабарлайды mangystaumedia.kz сайты.

- Мұндайды тек Ақтауда ғана көруге болады. Теңізің ортасында экскаватор. Не деген трюк орындау,- дейді видео авторы.

Аталған оқиғаға қатысты Маңғыстау облыстық полиция департаменті түсініктеме берді.

- Ақтау қаласы полиция басқармасының патрульдік полиция батальонының қызметкерлері жүргізушінің жеке басын анықтады. 29 жастағы жүргізушіге ҚР ӘҚБтК 593 және 620-баптары бойынша екі әкімшілік хаттама жасалды, – делінген полиция хабарламасында.

Сондай-ақ мұндай құқық бұзушылықтардың алдын алу бойынша профилактикалық әңгіме жүргізілген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.