Соғыс ардагері: “Ел болашағы үшін дауыс бердім”

Ақтау қаласындағы №21 мектепте орналасқан №64 сайлау учаскесінің комиссия мүшелері соғыс ардагерінің шаңырағына келді. Бисен Боқаев президент сайлауында өз таңдауын жасап, сайлау бюллетеніне қол қойып, дауыс беру жәшігіне салды.

– Бұл сайлаудың маңызы айрықша. Мен еліміздің жарқын болашағы үшін, ұрпақтарымыздың келешегі үшін дауыс бердім. Мемлекетіміздің тәуелсіздігін нығайтып, өсіп-өркендету қандай маңызды болса, осы ұлы міндеттерді іске асыратын президентімізді таңдап дауыс беру де үлкен міндет. Сайлауға қатысып, таңдауын жасап, дауыс беру әрбір азаматтың парызы деп білемін. Қазақстанымыз дами берсін, ел-жұртымыздың ауызбіршілігі мығым болсын, - дейді Бисен Боқаев.

Бисен Боқаев 1942-1944 жылдары шекара қызметінде әскери міндетін өтеген. 1944 жылдың сәуір айынан 2-ші Украин майданында болып, Яссы-Кишинев операциясына, Бессарабия мен Румынияны азат ету ұрыстарына қатысқан. Соғыс біткен соң шекара әскерлерінде қызметін жалғастырды. «Қызы Ту», «II дәрежелі Отан соғысы», «Жауынгерлік еңбегі үшін» ордендерінің иегері.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.