Рухани азық- жеңіс кепілі!

«Жас батыр» спорт мектебінде «Сенімен болашақ» республикалық қоғамдық бірлестігінің өкілдерімен рухани кездесу өтті, деп хабарлайды mangystaumedia.kz сайты «Жас Батыр» спорт мектебінің баспасөз қызметіне сілтеме жасап.

18 қазан күні «Жас батыр» спорт мектебінің спортшылары «Сенімен болашақ» РҚБ құрылтайшысы Нұркен Асанов және абайтанушы Омар Жалелұлымен кездесті.

Кездесу барысында Нұркен Асанов «Сенімен болашақ» республикалық қоғамдық бірлестігінің құрылу тарихымен таныстырса, Омар Жалелұлы отбасы институтын нығайту, қазақтың ұлттық тәрбиесі туралы ойларын Абайдың қара сөздерімен үзінді келтіре отырып жеткізді. Соның ішінде, спортшылардың рухани тұрғыда дамуының маңыздылығын атап өтті.

Жиын барысында «Жас Батыр» мамандандырылған спорт мектебінің басшысы Манарбек Бисекенов жуырда Ақтауда тұңғыш рет өткен Ашық Азия Кубогының жоғары деңгейде өтуіне ат салысқан демеушілер мен қолдау көрсеткен азаматтарды марапаттап, алғыс білдірді. Сондай-ақ, құрметті қонақтарға да осындай арнайы әзірленген төсбелгі тақты.

2 сағатқа созылған жүздесуде жиналғандар спикерлерлерге сұрақ қойып, ой-пікір алмасты.
Спикерлер спорт саңлақтарына жігер мен жеңіс тіледі.

Суреттерді түсірген Талант Құсайын

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.