Мұнайлы мұғалімі республикалық байқауда топ жарды

Мұнайлы ауданы Шоғы Мұңалұлы атындағы №5 жалпы білім беретін мектебінің биология пәні мұғалімі Абдулазиз Мажитов М. Жұмабайұлының 130 жылдығына орай ұйымдастырылған «Мен қазақша сөйлеймін» байқауында бас жүлдеге ие болды, - деп хабарлайды mangystaumedia.kz сайты.

Мұнайлы мұғалімінің ұлты - өзбек. Десе де ол қатысушылар ішінен Мағжан өлеңін мәнеріне келтіріп оқып, тіл тазалығымен ерекшеленген.

Байқауды ҚР Ғылым және жоғары білім министрлігі Тіл саясаты комитеті Шайсұлтан Шаяхметов атындағы «Тіл-Қазына» ұлттық ғылыми-практикалық орталығы ұйымдастырған. Оған елдің барлық өңірінен 18 өзге этнос өкілдерінен тұратын 200-ге жуық адам қатысты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.