Маңғыстаулық экобелсенділер: «Сенбілік қана емес, туған өлке тарихымен таныстық»

Елімізде ұйымдастырылып жатқан «Таза Қазақстан» экологиялық акциясы аясында 40-тан аса экобелсенді, нақты айтар болсақ жас педагогтер, табиғат жанашырлары, Туризм колледжінің студенттері Ыбықты сай шатқалы аймағында тазалық жұмыстарын жүргізіп, 50 қап қоқыс жинады, - деп хабарлайды mangystaumedia.kz.

«Эко-Маңғыстау» үкіметтік емес ұйымының жетекшісі Кирилл Осин бұл сенбілік — шатқал маңын тазарту ғана емес, жас мамандар мен студенттердің тарихи-сәулет мұрасымен танысуына тамаша мүмкіндік екенін айтты.

- Экологиялық акция аясында ұйымдастырылып жатқан сенбіліктің әр қатысушысы тарихи орынға келіп өзіне эстетикалық, мәдени бір жаңалық ашады. Маңғыстау — әр зерттеуші өзіне жаңа бір тақырып таба алатын таңғажайып өлке. Туған жерім Маңғыстау болса да, Ыбықты сайына алғаш рет келіп тұрмын,- деді эколог.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.