Маңғыстауда жолаушы такси жүргізушісін пышақтап өлтіргені рас па?

© Liter.kz

Әлеуметтік желіде Мұнайлы ауданына қарасты «Адай» базасы аумағында жолаушы такси жүргізушісін өлтіргені туралы ақпарат тарады, деп хабарлайды mangystaumedia.kz тілшісі.

Тілшіміздің сенімді дереккөзі оқиғаның кеше түнде болғанын жеткізді. Оның сөзінше такси жолаушыны алып кетуге барғанда сөзі жараспай төбелес басталып кеткен. Ақырында жолаушы такси жүргізушісін өлтіріп, үйіне кетіп қалған. Жолаушыда да пышақ жарақаты болған. Артынша облыстық ауруханаға түскен.

Ал облыстық көпбейінді аурухананың баспасөз қызметі кеше 1979 жылы туған науқас іш қуысының пышақ жарақатымен түскенін мәлімдеді.

- Сынама алынып, кеше түнде 22.20-да ота жасалды. Қазір жансақтау бөлімінде жатыр, - деп хабарлады Маңғыстау облыстық көпбейінді аураханасының баспасөз хатшысы.

- Кісі өлтіру фактісі бойынша қылмыстық іс қозғалды. Күдікті ұсталды. Тергеу мүддесіне байланысты өзге ақпарат жария етілмейді", - деп хабарлады өңірдің полиция департаменті.

Махаббат Нұржанқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.