Маңғыстауда жаңа жыл мерекесі қарсаңында 100-ден аса шара өтеді

Маңғыстау облыстық мәдениет, архивтер және құжаттама басқармасы басшысының орынбасары Гүлзайда Төлеуғалиева желтоқсан айының 23-31 аралығында өңірдегі қала, аудандардағы барлық мәдениет ұйымдарында балаларға арналған жаңа жылдық ертеңгіліктер өткізілетіндігін айтты, деп хабарлайды mangystaumedia.kz

«Абай» мәдени кешенінде 24 желтоқсаннан бастап 10.00, 12.00, 14.00, 16.00 аралығында «Жаңа жылдық бал!» және «Ертөстік» қойылымы өтуде. Шара 31 желтоқсанға дейін жалғасады.

Сондай-ақ, Н. Жантөрин атындағы музыкалық драма театрда да 23 пен 30 желтоқсан сағат 10.00, 12.00, 14.00, 16.00 аралығында «Мұз әлемі» және «Сұлу мен құбыжық» балалар ертегісі қойылуда және де 25-30 желтоқсан аралығында сағат 10.00, 12.00, 14.00-де Маңғыстау облыстық қуыршақ театры балаларға арнап «Жаңа жылдық қарбалаң ертеңгілік» және «Ертегіге саяхат» қойылымын сахналауда.

-28 желтоқсан сағат 10.00-де Маңғыстау облыстық қуыршақ театрында «Қайта оңалту орталығынының»тәрбиеленушілеріне арналған жаңа жылдық шарасы өтеді. Дәл осы уақытта Қ. Сыдиықов атындағы облыстық кітапханада кішкентай оқырмандарға арналған «Құт, қуанышпен нұрланған жаңа жыл» тақырыбымен жаңа жылдық ертеңгілік өтеді, - дейді Гүлзайда Төлеуғалиева.

Спикердің айтуынша, қала, аудан әкімдерінің атынан балаларға арналған қайырымдылық шырша мерекесі де ұйымдастырылуда. Ақтау қаласы әкімінің қайырымдылық шыршасы «Айша сарайы» мейрамханасында 29 желтоқсан күні сағат 10.00-де және Жаңаөзен қаласы әкімінің «Қош келдің, ырысты -Жаңа жылым» атты шыршасы «Мұнайшы» мәдениет үйінде 28 желтоқсан күні сағат 10.00-де ұйымдастырылмақ. Сондай-ақ, Бейнеу ауданында әкім шыршасы 26 желтоқсан, Мұнайлы және Түпқараған аудандарында 27 желтоқсан, Маңғыстау мен Қарақия аудандарында 28 желтоқсан күні ұйымдастырылмақ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.