Маңғыстауда тыйым салынған затты тергеу изоляторына заңсыз алып өтпек болған

Маңғыстауда тергеу изоляторына трамадолды заңсыз алып өтпек болған. 120 таблетканы темекі қорабына тыққан. Айтуынша, аталған зат тергеудегі тұлғаның біріне арналды, - деп хабарлайды mangystaumedia.kz мекеменің баспасөз қызметіне сілтеме жасап.

«Маңғыстау облысы бойынша ҚАЖД №77 мекемесінде инспекция қызметкерлері барлық аударымды тексереді. Бұл жолы барлық затты мұқият тексердік. Темекіден ақ түсті таблеткалар табылды. Әйел оларды ҚР Қылмыстық кодексінің 297-бабы бойынша тергеуде жүрген күйеуіне әкелген. Полицияның жедел тобы шақырылып, қажетті құжаттар жиналды, – дейді №77 мекемесі басшысының уақытша міндетін атқарушы Елдос Нұржаубай.

Айта кетейік, аталған оқиға екінші рет қайталанып отыр. Біріншісі биыл маусым айында болған. Содан кейін дәріні деструктивті діни ағымды ұстанушы әкелген.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.