Маңғыстауда бекірені заңсыз аулаған тұрғын ұсталды

Маңғыстаулық полицейлермен заңсыз бекіре балығы тәркіленді6 деп хабарлайды mangystaumedia.kz облыстық полиция департаментіне сілтеме жасап.

Жедел-іздестіру іс-шаралары кезінде табиғатты қорғау полициясының қызметкерлері Түпқараған ауданынан заң бұзған күдікті анықтап, қолға түсірді.
«2022 жылдың 5 қарашасында сағат 22:40 шамасында полицейлер «Nissan X-Terra» маркалы автокөлікті тоқтатты. Автокөлікті тексеру барысында жалпы салмағы 24 келіні құрайтын 7 дана бекіре тұқымдас балық анықталып, тәркіленді», - деді облыстық ПД баспасөз қызметі.

Табиғатты қорғау заңнамасын бұзғаны үшін 44 жастағы жүргізушіге қатысты қылмыстық кодекстің 339-бабы бойынша сотқа дейінгі тергеп-тексеру амалдары басталды. Өзге ақпарат тергеу мүддесі үшін жария етілмейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.