Маңғыстауда Астана күніне орай 100-ден астам іс-шара өтеді

Маңғыстауда Астана күніне орай 100-ден астам мәдени-танымдық іс-шара ұйымдастырылады. Бұл туралы Қоғамдық коммуникация орталығында өткен брифингте өңірлік мәдениет, архивтер және құжаттама басқармасының бас маманы Нұрбек Асылбеков айтты, - деп хабарлайды mangystaumedia.kz сайты.

Оның айтуынша, 3-5 шілде аралығында қала, аудан кітапханаларында виртуалды көрме, видеошолу, кітап көрмесі, хронологиялық бейнебаян, дивертисмент кеші, әдеби-сазды кештер өтеді. Ал 5 шілде күні Қабиболла Сыдиықов атындағы облыстық әмбебап кітапханасында «Арайлай бер, алтын нұрлы - Астана» кітап көрмесі, «Бейбітшілік пен үміт қаласы» виртуалды саяхат, «Астана- алтын бесік Ақордам!» сұрақ-жауап сайысы өтеді.

- 6 шілде күні Амфитеатр алаңында сағат 19.00-де өнерлі жастардың мерекелік бағдарламасы, Абай атындағы мәдени-демалыс кешені өнерпаздарының «Астана – Еуразияның жүрегінде» атты мерекелік концерті өткізіледі. Сондай-ақ «Отпан» тарихи-мәдени кешені Ақтауда теңіз жағалауында жылжымалы көрме ұйымдастырады. Қала тұрғындары өнерпаздардың өнерін және жылжымалы көрмені тегін тамашалай алады,- деді Нұрбек Асылбеков.

Сонымен қатар 8 шілде күні 4 ш/а «Яхта клуб» алаңында сағат 19.00-де «Ақтау - арман қала» облыс өнерпаздарының концерті өтеді.

Сондай – ақ қала, аудан орталықтарында мерекеге орай салтанатты жиын мен мерекелік концерттер ұйымдастырылады.

Брифинг барысында Маңғыстау облыстық дене шынықтыру және спорт басқармасы басшысының м.а Айбек Имашев елорда күніне орай 20-дан астам іс-шара өткізілетінін айтты.

- Өңірде Таеквандо GTF-дан ҚР чемпионаты 6-8 шілде аралығында «Маңғыстау арена» СК өтеді. Ел біріншілігіне 480 спортшы қатысады дер күтілуде. Ал Грэпплингтен «UWW» 2003-2005, 2006-2007 ж.ж. арасында Маңғыстау облысының кубогы 15-16 шілде аралығында «Батыр» СК өтпек. Сондай-ақ Астана күні мерекесі қарсаңында Солтүстік Каспий жобасының 30 жылдық мерейтойына арналған «NCOC chess cup» шахмат турнирі әлі де жалғасуда,- деді Айбек Имашев.

Сонымен қатар 5 шілде күні Түпқараған ауданында балалар және жасөспірімдер спорт мектебінде ересектер арасында футболдан және 6 шілде Форт-Шевченко қаласында 13-16 жас аралығындағы жасөспірімдер арасында ұлттық спорт түрлерінен аудандық жарыс ұйымдастырылды. Ал 8-9 шілде Жаңаөзен қаласының 55 жылдығына және елорда күні мерекесіне орай қол күрестен қалалық ашық турнир «Энергетик» қол күрес залында өтеді. 12-14 шілде баскетболдан 18 жастан асқан әйелдер арасында қалалық ашық турнир Рахмет Өтесінов атындағы дене шынықтыру және сауықтыру кешенінде өткізіледі. Дәл осындай шаралармен Мұнайлы, Бейнеу, Маңғыстау, Қарақия ауданадары да қамтылады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.