Маңғыстау облысы елімізде халық саны күрт артқан аймақ қатарына қосылды

Қазақстанда халық саны 20 миллионға жуықтады, деп хабарлайды mangystaumedia.kz Ұлттық статистика бюросына сілтеме жасап.

Биылғы 1 қазандағы жағдай бойынша еліміздегі халық саны 19 967 964 адамды құраған. Оның ішінде қала тұрғындары 12 387 957 адамға жетсе, ауыл тұрғындары 7 580 007 адамды құрап отыр.

Жыл басынан бері халық өсімі 1,02 пайызға, яғни 201,1 мың адамға артқан. Халық санының ең жоғары өсу қарқыны Астана (4,06%) мен Алматы (2,28%) қалаларында және Маңғыстау облысында – (1,94%) тіркеліп отыр.

Биыл халық өсімінің биылғы қарқынын ескерсек, 20 миллион адам көрсеткіші 2023 жылғы қарашада тіркеледі деп болжанып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.