МАЭК-тегі қазандықты жөндеу жұмыстары басталды

МАЭК-тегі №1 энергоблоктың қазандығында жөндеу жұмыстары басталды, дер хабарлайды mangystaumedia.kz.

03.07.23 ж.сағат 17.31-де ЖЭС-те қазандыққа келіп тұрған тоқтың күрт өсуіне байланысты №1 энергоблоктың (жүктеме 133 МВт) жұмысы тоқтатылды.

4 шілдеде сағат 21:50-де № 1 энергоблогы салқындағаннан кейін жөндеу жұмыстары басталды. Жөндеу жұмыстары тәулік бойы MAЭК қызметкерлерінің күшімен жүргізілді.

6 шілдеде "МАЭК" ЖШС ЖЭС №1 энергоблоктың жөндеу жұмыстары аяқталып, сағат 05.51-де энергоблок жұмысқа қосылды.

Жөндеу жұмыстары сапалы жасалғанымен 6 шілде күні сағат 17.33-те ЖЭС-те №1 энергоблокта тағы да мәжбүрлі тоқтау орын алды. Қазіргі уақытта ЖЭС персоналы энергия блогын жөндеу үшін дайындық жұмыстарын жүргізуде.

Маңғыстау облысының тұрмыстық тұтынушыларын электрмен жабдықтауда, сонымен қатар елді мекендерді сумен жабдықтауда шектеулер жоқ.

Ал бүгін 7 шілде 15 сағат 15 минутта комбинат қызметкерлері №1 энергоблоктың қазандығында жөндеу жұмыстарын бастады.

Энергоблокты 9 шілде сағат 24.00-ге дейін жөндеу жоспарлануда.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.