Көлік жүргізушілері бірнеше жылдан жөндеу көрмеген Атамекен ауылындағы жолға шағымданды

Көлік жүргізушілері Атамекен ауылының жолында жүру мүмкін емес екенін айтып, шағымданды, деп хабарлайды mangystaumedia.kz.

Темір тұлпар тізгіндеген ауыл тұрғындары ауыл әкімдігі мен 7-мектеп алдындағы жолдың әбден тозғанын айтады.

- Мұнда асфальт төселгеннен соң ешқашан жөндеу көрмеген. Көлікпен жүру мүмкін емес. Қашан жөнделеді?, - дейді ауыл тұрғыны.

Айта кетейік бұдан бұрын дәл осы жолда бірнеше көліктің дөңгелегі жарылып, көлік бөлшектеріне зақым келген еді.

- Жақын күндері автокөлік жолдарын күтіп ұстау қызметінің есебінен асфальт жабындысы бар көлік жолдарының ой-шұңқырларын тегістеу, жөндеп, қалпына келтіру жұмыстары жүргізілетіндігін хабарлаймын, - деді
Атамекен ауылдық округінің әкімі Ерлан Қайнаров.

Махаббат Нұржанқызы

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.