«Студенттік көктем - 2023» фестивалінің екінші күні волейболдан қыздар арасында турнир өтті, деп хабарлайды mangystaumedia.kz «Ақтау студенттер Альянсы» баспасөз қызметіне сілтеме жасап.
Турнирді «Ақтау студенттер Альянсы» корпоративтік қоры "Student Life" гранттық жобасы аясында Маңғыстау облысының жастар саясаты мәселелері жөніндегі басқармасының қолдауымен «Азаматтық бастамаларды қолдау орталығымен» бірлесіп ұйымдастырды.
Жарыста өңірдегі 9 оқу орнынан құралған команда бақ сынасты. Нәтижесінде Мұрын жырау Сеңгірбекұлы атындағы жоғары педагогикалық колледжі жүзден жүйрік атанды. Ал Каспий жоғары педогогика және салалық технологиялар колледжі 2-орынға ие болды. 3-орынды Каспий өңірі «Болашақ» колледжі өз қанжығасына байлады.
Еске салайық, ертең баскетболдан турнир өтеді. Осы үш турнирде үздік атанғандар үстел теннисінен сынға түседі.
Жарыстың өткізілуіне Маңғыстау облыстық білім басқармасы мен облыстық дене шынықтыру және спорт басқармасы қолдау көрсетті.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
