Доссор мен Бейнеу арасында 4 адам жол апатынан бақилық болды

Атырау облысында тас жолда екі автокөлік соғылып, жол апатынан 4 адам қаза тапты, деп хабарлайды сайт mangystaumedia.kz Ішкі істер министрлігінің баспасөз қызметіне сілтеме жасап.

17 маусым күні республикалық маңызы бар Доссор-Құлсары-Бейнеу тас жолының 10 шақырым тұсында Lada Priora және Toyota Camry автокөліктері соғылып, жол-көлік оқиғасы тіркелді.

Соққы салдарынан «Lada Priora» автокөлігін өртеніп, 1992 жылы туған көлік жүргізушісі мен 2001ж.т., жолаушысы, сондай-ақ, «Toyota Camry» автокөлігінің 1972ж.т., жолаушысы оқиға орнында қаза тапты. Ал 1971ж.т. «Toyota Camry» көлік жүргізушісі алған дене жарақаттары салдарынан ауруханада қаза тапқан.

«Toyota Camry» көлігінің 2 жолаушысы түрлі дене жарақатымен Мақат аудандық ауруханаға жеткізілді.

Осы ретте жол полиция көлік жүргізушілеріне жол ережесін және жылдамдық режимін қатаң сақтауды ескертіп отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.