Ақтаудағы "Шора" су каналында 4 адам құтқарылды

1 қазан күні Маңғыстау облысы Төтенше жағдайлар департаменті Жедел құтқару жасақ күштерімен үгіт-насихат шараларын өткізу кезінде "Шора" су каналы маңында жағаға жете алмаған 4 азаматты құтқарды, деп хабарлайды mangystaumedia.kz сайты.

1 қазан сағат 15:19-да Ақтаудан 25 шақырым жерде орналасқан "Шора" су каналында орын алған жағдайға 2 құтқарушы мен 1 жүзу құралы жұмылдырылған.

Нәтижесінде 1987 жылы туған 2 азамат пен 1994 жылғы 2 адам құтқарылды. Олар желмен ашық теңізге 2 км қашықтықта алыстап, жағаға жете алмаған.

Құтқарылғандар медициналық көмек қажет етпеді.

- Құрметті облыс тұрғындары мен қонақтары! Су айдындарында абай болыңыздар! Теңіз қателікті кешірмейді,- деді ТЖД өкілдері.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.