Ақтауда өткен халықаралық сайысқа 400-ге жуық спортшы қатысты

Ақтауда КСРО спорт шебері Баламұрат Сұлтанбайұлы Ақшабаевты еске алуға арналған ХІІІ халықаралық турнир аяқталды, деп хабарлайды mangystaumedia.kz Қоғамдық коммуникация орталығына сілтеме жасап.

Жарыста еліміздің 10 өңірі мен Әзірбайжан елінен келген 400-ге жуық спортшы бақ сынады.

Дзюдодон 2006-2007 және 2008-2010 жылы туған жасөспірім ұлдар мен қыздар арасында өткен аталмыш додаға «Жас Батыр» спорт мектебінен 50 дзюдшы қатысты.

15-16 жастағы ұлдар мен қыздар арасындағы бәсекеде «Жас Батыр» мектебінің дзюдошылары 8 салмақ дәрежесі бойынша жүлделі орындарға ие болды.

Ал, 12-14 жастағы спортшылар арасында ұлдар 9 салмақ, қыздар 7 салмақ дәрежесінде нәтижелі орындардан көрінді.

- Жыл сайын жарысқа қатысушылардың саны артып келе жатыр. Дзюдоға қызығатын балалар өте көп. Негізгі мақсатымыз бұқаралық спортты дамытып, салауатты өмір салтын насихаттау. Осы жарысқа қатысқан дзюдошыларымыз әлі талай жетістікке жетіп, Олимпиада чемпионы атанып, көк туымызды көкте желбірететініне сенеміз,- дейді «Жас Батыр» спорт мектебінің басшысы Манарбек Бисекенов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.