Ақтауда көппәтерлі тұрғын үйлерге жаңадан 15 лифт орнатылды

Биыл жергілікті бюджет есебінен Ақтаудағы көппәтерлі тұрғын үйлерге 15 лифт орнатылды. Бұл жұмыстарды «Лифтэк» ЖШС жүргізді, деп хабарлайды mangystaumedia.kz Қоғамдық коммуникация орталығына сілтеме жасап.
⠀
Айта кетейік, лифттер 5-13, 5-14, 5-22, 6-37, 6-38, 6-40, 7-21, 7-22, 9-22, 11-6А, 11-8Б, 13-1А, 27-67, 29-24 мекен-жайлары бойынша орнатылды. Қазіргі таңда барлығы қолданысқа берілген.
⠀
-Биыл жергілікті бюджеттен жоспарланған 15 лифт орнатылды. Олар көбінесе ескі шағын аудандардағы үйлерге қойылды. Орнату жұмыстарын конкурс нәтижесінде жеңімпаз атанған компания жүргізді. Қазіргі таңда тұрғындар игілігін көріп жатыр. Ең бастысы, тұрғындардан мүлікті ұқыпты пайдалануды сұраймыз, деді Ақтау қалалық ТҮКШ бөлімінің бас маманы Бақтияр Мақсатов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.