Ақтауда иесіз ғимарат өртенді

24 сәуір күні сағат 03:17-де диспетчердің 101 пультіне хабарлама келіп түсті, 3 шағын ауданының 74-ғимаратында өрт болған , деп хабарлайды mangystaumedia.kz ТЖД-ға сілтеме жасап.

Өрт сөндірушілер иесіз ғимараттың өртеніп жатқанын анықтады. Өрттің ауданы 450 шаршы метрді құрады. Ғимараттың жалпы ауданы 500 шаршы метрді құрайды. Зардап шеккендер жоқ.

"Өрт сағат 05:10-да өшірілді. Өртті жоюға 4 бірлік техника мен ТЖД жеке құрамының 15 адамы жұмылдырылды. Себебін қаланың ТЖБ кезекші анықтаушысы анықтайды", - деді Ақтау қаласы ТЖ басқармасының бас маманы, азаматтық қорғау аға лейтенанты М.Шапхатов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.