Маңғыстау мектептерінде алғашқы қоңырау ковид шектеуінсіз өтті

Бүгін алғаш мектеп сыныбын аттаған маңғыстаулық бүлдіршіндерге "Әліппе" және "Букварь"сынды кітаптары табыс етілді. Оқушылар алғашқы қоңырауды әдеттегідей режимде өткізе алды, деп хабарлайды mangystaumedia.kz сайты.

Салтанатты іс-шараның бірі - Ақтаудағы № 11 мектепте өтуде. Оқу ошағы шарлармен безендіріліп, әуезді музыка келушілердің көңілін көтеруде. Жиын ашық ауада басталып, оған оқушылар, педагогтар мен ата-аналар қатысты.

Аталған мектеп-лицейдің директорының міндетін атқарушы Бақтияр Алпысбаевтың айтуынша, биыл барлығы 150-ге жуық бала бірінші сыныпқа келген.

- Бізде бірінші алты сынып бар. Барлығының көңіл-күйі керемет. Біз үшін бұл ерекше жыл болды. Себебі, біздің мектеп Қазақстанның үздік 20 мектебінің қатарына енді. Біз үшін бұл үлкен мақтаныш. Бұл ұстаздарымыздың еңбегі екені сөзсіз, - деді Бақтияр Алпысбаев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.