Маңғыстаулық полицейлер аз қамтылған 10 отбасыға көмек көрсетті

Маңғыстау облысы ПД Жергілікті полиция қызмет басқармасы және Жаңаөзен қаласы ПБ қызметкерлерімен әлеуметтік деңгейі бойынша аз қамтылған отбасыларға «Мектепке жол» акциясы негізінде көмек көрсетті, дее хабарлайды mangystaumedia.kz.

Бұл – Мемлекет басшысының бұйрығымен бекітілген «Балалар жылы» аясында өткізілген шаралардың бірі.

Атап өтейік, акцияның мақсаты тұрмыстық жағдайы төмен, мұқтаж отбасыларға көмек көрсетуге бағытталған. Бұл — балалардың жаңа оқу жылын ерекше ынтамен бастауына да ықпалын тигізетін игі істердің бірі.

Жаңа оқу жылының басталуына орай бүлдіршендерге полиция қызметкерлері оқуға қажетті құрал-жабдықтарды табыстады.

- Баршаңызды келе жатқан жаңа оқу жылымен құттықтаймыз. Сәттілік тілейміз, біз өз тарапымыздан қашан да көмектесуге дайынбыз, - деп атап өтті Маңғыстау облысы ПД ЖПҚБ бастығының орынбасары А.Бөлекбаев.

Өз кезегінде ата-аналар мен мектеп табалдырығын аттағалы жатқан оқушы балақайлар алғысын білдірді.

Маңғыстау облысы Полиция департаменті жаңа оқу жылы қарсаңында барлық білім алушы жастарға сәттілік тіледі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.