Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облысының аумағында ағымдағы жылдың 19 шілде және 18 тамыз аралығында республика көлеміндегі «Қауіпсіз жол» жедел-профилактикалық іс-шарасы жүргізілуде, деп хабарлайды mangystaumedia.kz Қоғамдық коммуникация орталығына сілтеме жасап.
Жедел-профилактикалық іс шара аясында Маңғыстау облысы полиция департаменті әкімшілік полиция басқармасы жол және техникалық инспекциясы бөлімінің қызметкерлерімен республикалық маңызы бар тас жолдарда «Жолда қабылдау» акциясын өткізді.
Аталмыш акцияның басты мақсаты – жүргізушілер арасындағы көліктік тәртіпті арттыру, мал жануарларының қатысуымен болатын жол-көлік оқиғаларының алдын алу және болдырмау. Акцияға осы бағыттағы жұмыстарды ұйымдастырған Маңғыстау облысы ПД ӘПБ Жол және техникалық инспекциясы бөлімінің полицейлерінен бөлек, Патрульдік полиция ротасы, Маңғыстау облысы Батыр ауылының әкімдігі, «Қазавтожол» ЖШС, Көліктік бақылау инспекциясы, Денсаулық сақтау басқармасы мамандары мен шаруа қожалықтары иелері де қатысып, халықпен түсіндірме жұмыстарын жүргізді.
Жүргізушілер денсаулық саласының қызметкерлеріне қан қысымдарын тексертіп, дәрігерлік бақылаудан өтті. Сондай-ақ, азаматтарға арнайы жадынамалар таратылды.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.