Ақтауда аулаларға спорт және ойын алаңдары салынып жатыр

Жобаның кей бөлігі қала тұрғындарының бастамасымен «Халық қатысатын бюджет» бағдарламасы аясында жүзеге асуда, деп хабарлайды mangystaumedia.kz облыстық ҚКО-ға сілтеме жасап.

- Шағынаудандардың ауласында бой көтеретін дене шынықтыру алаңдарында жүріп-тұруы шектеулі жандар үшін де қолжетімді тренажерлері болады. Бұл бастамаларды тұрғындардың өздері көтерді. Олар ауланы абаттандыру және көркейту жөнінде ұсыныстарын жеткізді, - дейді Ақтау қалалық тұрғын үй-коммуналдық шаруашылығы бөлімінің мамандары.

Он ойын алаңының біреуі «Халық қатысатын бюджет» бағдарламасы бойынша салынып жатыр. Айта кетейік, қазіргі таңда «Халық қатысатын бюджет» арқылы қаладағы төрт шағынауданның ауласына спорт-воркаут ойын кешенін салу жоспарланып отыр. Ол жерде футбол алаңы да болмақ.

- Қазір алты ойын алаңының орнын белгіледік. Бұл — 3 ш/а 152 үй, 3 ш/а, 1 ш/а 24-үй, 6 ш/а 31-үй, 11 ш/а 34-үй, 29 ш/а 24-үйлердің аумағы. Сондай-ақ, 12 ш/а 67-үй, 31 Б ш/а 30-31 үй мен 31 В ш/а 16, 18-үйдің ауласына дене шынықтыру-спорт алаңдары салынбақ.

Сондай-ақ 32А ш/а 27-30 үйдің аулаларына жүріп-тұруы шектеулі топтарға арналған ойын алаңы бой көтереді, - дейді Ақтау қалалық тұрғын үй-коммуналдық шаруашылық бөлімінің мамандары.

Бұған қоса, 4 ш/а 2-үй, 14 ш/а 9-үй, 1 ш/а 35-үй, 22 ш/а 10Б үй ауласына футбол алаңы салынады. Ақтау қаласының әкімі абаттандыру кезінде тұрғындардың пікірі ескерілетінін атап өтті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.