Ақтауда бүгін кешке тағы бір адам суға батып кетті

Оқыс оқиға 5 шілде күні сағат 17-00-де Ақтау қаласының Самал 2 шағын ауданында теңіз жағалауында болған, деп хабарлайды mangystaumedia.kz.

Төтенше жағдайлар департаменті баспасөз қызметінің хабарлаунша, суға батып кеткен ер адам 1993 жылы туған Бейнеу ауданының тұрғыны. Теңізге ағайындарымен барған. Қазіргі таңда 3 сүңгуір іздестіру жұмыстарын жүргізіп жатыр.
ТЖ департаментінен 6 қызметкер, жедел құтқару жасағынан 1 газель, 1 қайық, 10 қызметкер, ПД 5 бірлік техника, 8 қызметкер, жедел жәрдем 3 адам, 1 бірлік техника, АМО 3 адам, 1 бірлік техника жұмылдырылды.
Сондай-ақ, оқиға орнында ТЖ департаментінің психологтары суға батқан адамның жақындарына көмек көрсетіп жатыр.

Маңғыстау облысы Төтенше жағдайлар департаменті Сіздерден суға шомылу кезінде қауіпсіздік шараларын қатаң сақтауды және төмендегі ережелерді орындауды сұрайды:

-жабдықталмаған және тексерілмеген шомылу орындарында шомылуға және суға түсуге болмайды, өйткені түбінде тастар, қоқыс және басқа да қауіпті заттар болуы мүмкін;
-ішімдік ішуден аулақ болыңыз;
-суға шомылу мезгілінде балаларды қараусыз қалдырмаңыз;
-суға шомылу кезінде жағажайдан алысқа жүзбеңіз;
-тыйым салынған жерлерде шомылмаңыз;
-су айдындарын ластамаңыз және қоқыстамаңыз.

Бұл қарапайым ережелер сізге және Сіздің жақындарыңызға жазғы демалысты қауіпсіз өткізуге көмектеседі!

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.