Ақтауда құтқарушылар суға батып кеткен жасөспірімнің денесін іздестіріп жатыр

Оқиға бүгін Приморский тұрғын алабына қарама-қарсы «Солдатский пляж» жағажайында болды, деп хабарлайды mangystaumedia.kz облыстық ТЖД баспасөз қызметіне сілтеме жасап.

Кезекші пультіне шақыру сағат 17.13-те түскен. Қазіргі уақытта Каспий теңізінің жағалауында , Бейнеу ауылының 2005 жылы туған тұрғыны іздестіріліп жатыр. Жас жігіт серфинг тақтасына мініп, суға құлап, батып кеткен, екі жасөспірім өздігінен жағаға шықты. Олардың жағдайы қанағаттанарлық.

ТЖ орнына 6 төтеншелік, ЖҚБ 6 қызметкері және 2 бірлік техника, 2 жүзу құралы, апаттар медицинасы орталығының мамандары, Ақтау қаласы ТЖ бөлімінің қызметкерлері шықты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.