Маңғыстауда дауылды ескерту жарияланды

22 сәуірге қараған түні және таңертең Маңғыстау облысының солтүстік-батысында, оңтүстігінде тұман түседі. Күндіз облыстың батысында, солтүстігінде, оңтүстігінде — солтүстік-батыстан екпіні 15-20 м/с дейін жел соғады, деп хабарлайды mangystaumedia.kz облыстық төтенше жағдайлар департаментіне сілтеме жасай отырып.

Ақтау қаласында да күндіз солтүстік-батыстан жел соғады, жылдамдығы 15-18 м/с дейін жетеді.

Қауіпсіздік үшін Маңғыстау облысының Төтенше жағдайлар департаменті ескертеді:

балкондар мен лоджияларға тексеру жүргізу керек;

барлық жеңіл және көлемді нәрселерді бекіту немесе бөлмеге көшіру керек.

Көліктерді ағаш пен тозығы жеткен ғимараттан алыс қойыңыз;

әйнектердің оңай шағылып қалуының алдын алыңыз және терезе жақтауларын бекітіңіз;

Балаларды бақылауға алыңыз, қараусыз қалдырмаңыз;

қатты желден үйдің қабырғаларына жақын жерге жасырынбаңыз, өйткені шатырдан шифер және басқа да материалдар құлауы мүмкін.

Аса маңызды болмаса, көшеге де шықпаңыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.