Ақтаудағы ХҚКО-да «бомба»: күдікті ұсталды

15 сәуір күні сағат 12:22-де «102»-ге Мамандандырылған халыққа қызмет көрсету орталығына бомба қойылғаны туралы хабарлама келіп түсті, деп хабарлайды mangystaumedia.kz ПД-ға сілтеме жасап.

Шұғыл шақыруға Маңғыстау облысы ПД, ТЖД, ҰҚКД күштері жіберіліп, адамдар эвакуацияланды. Комиссиялық тексеру нәтижесінде факт расталмады.

Маңғыстау облысының ПД қызметкерлері мен ҰҚКД қызметкерлері жедел іздестіру іс-шараларын жүргізіп, 26 жастағы Маңғыстау облысының азаматын ұстады.

Аталған факт бойынша ҚР Қылмыстық кодексінің 273-бабымен сотқа дейінгі тергеу басталды.

Күдікті уақытша ұстау изоляторына қамалды.

Тергеу тәртібіне сәйкес, басқа мәліметтер жарияланбайды.

Күдіктіге 5 мың АЕК көлемінде айыппұл салынады немесе 5 жылға дейін бас бостандығынан айырылуы мүмкін.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.