Жаңаөзеннің кейбір шағынауданы қоқысқа толды

Жаңаөзенде кейбір шағынаудан қоқыстан әлі тазартылмаған. Қала тұрғыны редакциямызға сурет жіберді, - деп хабарлайды mangystaumedia.kz сайты.

Тұрғынның айтуынша, 4 шағынауданда Жанго мейрамханасы мен Багдад жиһаз салоны, Арай 1 шағынауданның жол бойы, Астана мен Бәйтерек шағынаудандары қоқысқа толы. Аталған үйіндінің үш күннен бері тазартылмағанын айтып отыр.

Есте болса, кеше ғана Жаңаөзен қалалық тұрғын үй коммуналдық шаруашылық бөлімінің мамандары қаланы қоқыстан тазарту жұмысы қарқынды жүргізіліп жатқанын айтқан болатын. Десе де қаланың сырт жағында орналасқан шағынаудандар қарқынды тазалаудың қызығын әлі көрмеген.

Осы ретте Жаңаөзен қаласы әкімдігінен жауап күтіп отырмыз.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.