Ақшұқырда тасаттық намазы оқылды

Ақшұқыр, Сайын Шапағатов ауылдарының бас имамы Мұхаммед Уфа жамағатпен бірге «Көз әулиеде» тасаттық, яғни, Истисқа намазын оқыды, - деп хабарлайды mangystaumedia.kz.

Истисқа намазы – Алладан жаңбыр тілеп оқылатын намаз. Мұхаммед Уфа имамның айтуынша, Пайғамбар (с.а.с) кезінде қуаңшылық уақытында осы намаз оқылған.

Зекет малдың көбеюіне әсерін береді. Сол үшін зекет беру – әрбір мұсылманның міндеті. Ол – Алланың ақысы. Алланың ақысын бермесек қуаңшылық болады. Қуаңшылықтан сақтау мақсатында әрбір жағдайы жақсы адам көрші-көлеміне, ағайын-туысына қарайласып, зекет беріп, Алладан шынайы дұға тілеу керек. Біз тек қана дұға жасаймыз, ал жауынды беретін Алла. Апталап жауатын жаңбыр болуын тілейміз. Тілегіміз қабыл болсын!, - деді имам Мұхаммед Уфа.

Имам Истисқа намазын үш жұма қатарынан оқуға ниеттеніп отырғанын айтады.

Суреттерді түсірген Талант Құсайын

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.