Ақтаудағы жағалауға «Бекіре» кіші архитектуралық нысаны орнатылды

Жұмыс демеушілік қаражат есебінен ЖК «MasterMind» командасының күшімен орындалды. Нысанның ұзындығы 13, биіктігі 1,9 метрді құрайды. Бекіренің негізі жақтауы металлдан, сыртқы бөлігі өз технологиясына сәйкес арматураланған шыны матаны қолдана отырып жасалған. Дизайн полиэфир шайырымен қорғалған, көркем кескіндеме майлы бояумен жасалынған және арнайы лакпен қорғалған.

Айта кетейік, 20 ғасырдың бірінші жартысында Каспий аумағын бұл балық түрінің дүниежүзіндегі жалпы көлемінің 80%-дан астамы мекендеген. Қазір бұл түр шектен тыс өнеркәсіптік аулау салдарынан жойылу алдында тұр. 2001 жылы Каспий алабындағы төрт ел Қазақстан, Ресей, Әзірбайжан және Түркіменстан бекіре тұқымдас балықтарды аулауға уақытша мораторий қабылдады. Мораторий Біріккен Ұлттар Ұйымының ұсынымымен жойылу қаупі төнген түрлердің халықаралық саудасы туралы Конвенция негізінде енгізілген.

Көпқырлы мүсін нақышында жасалған және көркем кескіндемемен безендірілген бұл инсталляция - бірегей жануарлар әлемімізге қамқорлықпен қараудың маңыздылығының нышаны ретінде орнатылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.