Ақтау қаласының әкімі ардагерлермен кездесті

Ақтау қаласының әкімі Н.Қилыбайдың төрағалығымен өткен жиында Президент Қасым-Жомарт Тоқаевтың «Халық бірлігі және жүйелі реформалар – ел өркендеуінің берік негізі» Қазақстан халқына арнаған жолдауы талқыланды, деп хабарлайды mangystaumedia.kz.

Қала басшысы ең алдымен Президент жолдауындағы халқымыздың әл-ауқатын арттыруға бағытталған 5 бастамаға тоқталып өтті.

«Мемлекет басшысы еліміздің одан әрі әлеуметтік-экономикалық дамуының негізгі басымдықтарын белгілеп берді. Президенттің алға қойған міндеттері мен бастамалары қоғамның сұранысы мен заманауи сын-тегеуріндеріне негізделген. Жолдаудағы бағыттардың іске әр аймақтағы халықтың әл-ауқатының артуы мен тұрмыс сапасының жақсаруының факторларына айналмақ», – деді қала әкімі Н.Қилыбай.

Сонымен қатар, еңбек ардагерлері Мемлекет басшысы Жолдауының барлық бағыттарының жеткілікті деңгейде іске асатынына сенім білдіріп, қала басшысына бірқатар коммуналдық салаларға қатысты өтініштерін жеткізді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.